أول شي اللحم الج الخيار أم لحم شرح تسلكي وبعد مايستوي تهرسي بحيث شكلة يصير مثل الخيوط أو اللحم يكون مثروم هذا الشي يعود الج

الحمص يكون مسلوك ومستوي بس تطحني بالخلاط

نفرم البصل فرم ناعم ونحمسة بالدهن بس تطلع ريحتة أضيف اللحم احمسة وية البصل بعد ماينحمس اضيفلة نص كوب ماء واغطي من ينشف.

أضيف المعجون واحمسة وياه بعدهة أضيف الحمص المطحون بعدها الماء والبهارات الي هي بهارات قيمة والنومي المطحون والهيل والقرفة المطحونة وملح وشوية شطة.

اخلي يغلي انصي النار عليهة شوية واقدمهة وية التمن بالنسبة للثخن مالتهة وسط لا ثخينة ولا خفيفة بالنسبة الي أحبها مائلة للثخن طبعااا طعمه اتجنن وبالف عافية.