الكبة النية بزيت الزيتون☺😋😋 ومن غير ماكينة طعم رووعة ولا اطيب
إفتح في تطبيق كوكبادالخطوات
- 1
منحط البرغل بوعاء كبير واول شي منرش البرغل بشوية مي ومنحرك ومندعكن ومنبلش بروس الاصابع لحتى كل البرغل يمتص المي مامنكتر مي منشان البرغل يمتص من اللحمة والزيت منتركن ربع ساعة لياخدو من بعضن
- 2
منحمص شوية جوز بزيت معلقة سمنة ومنحطها عل جنب.
- 3
ومنزل البصلة لتدبل وتاخد لون و وبعدين منخلطن مع بعض هدول للتزين
- 4
بهدا الوقت البرغل متص كل المي والحبة كبرت وفتحت منزل اللحمة ومنبلش ندعك فيها منيح وكل ماحتاجت منحط كمشة زيت زيتون ومندعك فيها منيح رح نحتاج اكتر من مرة زيت ومنرش شي 5 ملاعق مي معاها ومنبلش ندعك فيها لحتى تلم وتجمع مع بعضها بين ايدينا ومنحط كل البهارات ومندعك كويس فينا نقرصها وفينا نمدها بجاط ومنزينها بالجوز والبصل ومنرش رشة زيت زيتون والف هناا وعوافي ☺
- 5
صحيح متعبة لكن صدقوني الطعم رووعة اطيب من الماكينات بمليون مرة وزيت الزيتون بيعطيها طعم رووعة وطراوة كتير طيبة..
- 6
جربوها رح تعجبكن ان شالله ☺ وعوافي عل قلوبكن بكل تعبكم وشغلكم الحلوو ☺☺
الكوكسناب
من الأكثر بحثًا في
وصفات مشابهة
وصفات ننصحك بمشاهدتها
التعليقات