نقطع الدجاج ونتبله ببهارات الشاورما ولبن ورب بندورة وحامض وبابريكا وبنطبخه على الغاز لحتى يستوي

بنرتب الخبز المقلي اول طبقة وبعدين بنحط الدجاج فوقه وبعدها بنحط المخللات (خيار او فقوس حسب الموجود عندكم) وممكن كمان تحطو الخس والبندورة والخيار مقطع شرائح بس هاد حسب الرغبة

بنحضر الصلصة اللي هيه لبن وطحينية وليمون وثوم بنحطهم بالخلاط.. وبتقدرو تغيرو المقادير حسب كيف بتفضلو مذاقه وهي بتكون الطبقة الرابعة

اخر شي بنزينه بالقدونس والمكسرات