طريقة عمل البيتزا
النت كلياتو مليان طرق اشكال و ألوان و مش أي طريقة تعتبريها المثالية ، بالنسبة لطريقتي توصلتلها بعد كتير تجارب و طريقة من هون و طريقة من هون ل حد م ثبتت على الطريقة هاي . .
طريقة عمل البيتزا
النت كلياتو مليان طرق اشكال و ألوان و مش أي طريقة تعتبريها المثالية ، بالنسبة لطريقتي توصلتلها بعد كتير تجارب و طريقة من هون و طريقة من هون ل حد م ثبتت على الطريقة هاي . .
إفتح في تطبيق كوكبادالخطوات
- 1
بتضيفي مكونات العجينة في طبق العجين و بتضيفي المية بالتدريج و بتعجنيها لحد م تصير زي الملبن بايدك.. بتتركيها تخمر من 10 دقايق ل 30 دقيقة
- 2
بالنسبة للصوص بتقلي البصلة ب شوية زيت و بعدها بتضيفي التوم المدقوق و الفلفل الاخضر بتكوني مقطعاه صغير بتقلبيهم ثواني و البندورة بتكوني مقطعاها و بتضيفيها و بتحطي بعدها البهارات تبعتك الملح و الفلفل الاسود و بتسبيها تستوي
- 3
بعد م تخلص سوى بتضربيها بالخلاط
- 4
بهاد الوقت بتكون العجينة خمرت ، بتحضري الصينية بتحطي عليها شوية زيت و رشة طحين و بتبلشي تفرديها ، بالنسبة للسمك اختياري ،
- 5
بعدها بتدهني الصوص و بترشي بعده رشة جبنة و بعدين بتضيفي الزيتون الاسود و الفطر و الفليفلة و اخر شي بتخطي طبقة سميكة من جبنة الموتزريلا
- 6
بتكوني مشغلة الفرن قبل بشي بسيط عشان ، بتحطيها على درجة حرارة 250 ل مدة 10 دقايق فقط ، بتحمري الوجه دقيقة واحدة فوق و تقدم ساخنة
- 7
و ألف صحة و هنا 👌
كلمات ذات صلة
وصفات مشابهة
وصفات ننصحك بمشاهدتها
التعليقات (3)