انا ام ل أربعة أولاد، ثلالث بنات وشاب. قبل هلأ كنت إعتل هم تحضير الغدا لأن كل حدا وقتوا غير التاني حسب دوام المدرسة والجامعة. وطبعاً هيدا غير إنو كل حدا عندو أكلتوا المفضلة فكان تحضير الأكل كابوس، بس هلأ صار عندي نظام عسكري بالبيت أنا بحضّر طبخة واحدة والكل لازم ياكل.طبعاً بال week end في إستثناءات لأن بنتي الكبيرة عايشة لوحدها وبتطلع بآخر الأسبوع بجرّب حضّر كل شي بتطلبوا. زوجي بيحب الاكل الغربي والطبخات الجديدة لأنو كان مسافر وبارم كتيير بلدان كل مرّة بيتفوّق على أكلة جديدة. تعلّمت كم أكلة خليجية مثل المكبوس وكبسة السمك والبرياني من أصدقاء كويتيين.حبيت موقع شهية.كوم لأني بقدر نوّع بالأكل وحضّر اطباق مختلفة من بلدان مختلفة. ونشالله كل ما كان عندي وقت بضيف وصفاتي إلّي أكثرها لبنانية. ما اشتهر به في الطبخ: كل الأكل اللبناني والعربي وطبعاً الحلويات العربية مثل المهلبية، المغلي والسحلب والأرز بحليب. وصفاتي المفضلة: التبولة، المحشي، الرز عدجاج، السمكة الحرّة، الكبّة بالصينية ومن الحلويات: الصفوف والمهلبية وغيرها ...