فاصوليا

Name: فاصوليا
Cuisine: عراقية
Ingredients: 0.5 كيلو فاصوليا يابسة; 3 ملاعق كبيرة معجون طماطم; 0.5 كيلو لحم; 2 ثوم; ملح

المكوّنات

1

أول شي اغسل الفاصوليا وانكعهة بالماء تقريباً ثلاث ساعات وممكن أكثر.
2

الخطوة الثانية اسلق الفاصوليا من تغلي اخفف النار عليهة واتركهة تستوي وقبل لا تستوي اضيفلهة الثوم واتركها على نار هادئة.
3

اللحم اختاري ممكن لحم عجل وممكن غنم اسلكة على حدة ومن يقارب على الاستواء اضيفة للفاصوليا هو والماء مالتة حتى يذب الطعم مالة للفاصوليا واتركهم اثنينهم يستون سووة.
4

بعد مايستوي اللحم والفاصوليا سوة اخلي زيت بقدر وأخذ كمية من معجون الطماطم تقريبا 3 ملاعق كبيرة أو أكثر واحمسها بالزيت حمسة خفيفة وبعدها أضيف الفاصوليا هي واللحم واضيفلها الماء والملح واتركها تغلي بعدين نار هادئة حتى تثخن ومن اشوفهة جاهزة اطفي النار وبالف عافية.