إفتح في تطبيق كوكبادالخطوات
- 1
اول شيء العجينه بتكون على مرحلتين, اول مرحله بتكون سائله.
- 2
للعجينه سائله : كوب طحين, كوب ماء, ملح, سكر, الخميرة, حليب بودره نخلطهم مع بعض بمضرب شبك لين تصير فقاعات ونخليها ترتاح 10 دقايق بضبط
- 3
بعد 10 دقايق, نضيف على العجينه سائله, كوب ونص طحين, ربع كوب زيت ونعجن العجينه مع بعض. واذا حسيتوها محتاجه شوي زيت نحط شوي ونعجن بشكل جيد.
- 4
ولازم عشان العجينه تطلع هشه تحاولون انكم ترفعون العجينه وتضربوها بسطح الرخام اكثر من مره.
- 5
بعدها نخلي العجينه ترتاح 45 دقيقه بالضبط.
- 6
نسخن الفرن على درجه حراره 180, من تحت.
- 7
بعد 45 دقيقه نخلط ملعقه كاكاو بودره مع كميه من القرفه, لازم القرفه تكون اكثر من كاكاو. ونحطهم بصحن شوي عميق.
- 8
نقطع جبن كيري.
- 9
بعدها نحشي العجينه بالجبن و نحطها بصحن القرفه وكاكاو ونغطيها بشكل كامل.
- 10
نحطهم بصينيه فرن مدهونه بشوي زيت. ونحاول ما نقريبهم كثير من بعض لانهم راح يتضاعف حجمهم.
- 11
بعد ما نخلص الكميه, نحطها بالفرن تقريبا ربع ساعه او اقل. ما تحتاج وقت كثير.
- 12
نسكر الفرن من تحت ونفتح من فوق, بس تقريبا دقيقه ما تحتاج كثير.
- 13
بعد ما نطلعها من الفرن على طول, نصب عليها حليب المحلى.
- 14
وبالعافيه.
وصفات مشابهة
وصفات ننصحك بمشاهدتها
التعليقات