بسم الله نبدا فى حله على النار نضيف الزيت ثم البصل ونحمره لحد مايبقا لونه اصفر غامق ثم نضيف الطماطم المعصوره ونضيف رشه من الكربونات لتسبيك بسرعه ونهدى النار ونتركها تتسبك

بعد التسبيك نضيف الرز ونضيف عليه كوب الميه والمرقه الدجاج والفلفل ونقلبه حتى يتشرب الميه وننزله من على النار ثم نضيف الشبت والكزبره والبقدونس ونقلبهم مع بعض كويس جداً

نحضر حله على حسب حجم الكرنب اللى موجود معانا فيه ورقه خضراء بتبقا فى الكرنب فى الاول نسلقها برضو ونضعها فى الحله من تحت لتجنب حرق الحله من تحت ثم نحشى ورقه ورقه من الكرنب بالرز ونرص فى الحله وهكذا الى ان نتتهى من الكرنبه ثم نضيف شوربه اللحمه والملح ورشه فلفل خفيفه ونحط الحله على نار هاديه الى ان يستوى الكرنب

ممكن نحتاج الى الشوربه او لا على حسب استواء الكرنب

وبالهنا والعافيه يارب يارب