لتحضير العجينة : نضيف ملعقة خميرة وملعقة سكر مع ماء دافئ بكوب ونتركها 10 دقائق حتى تتخمر قليلا

في وعاء العجن نضع كيلو الطحين مع رشة ملح و نحرك.. نضع نصف كوب لبن رائب ونحرك.. ثم نضيف الخميرة المخمرة مع السكر و نعجنها بالقليل من الماء الدافئ.. ثم نضيف القليل من زيت الزيتون على اليد و نعجن.. نسكب ملعقة زيت زيتون اسفل الوعاء ونعجن جيدا حتى تتجانس العجينة.. نغطيها ونتركها جانبا في مكان دافئ حتى تتخمر (لا تكثروا من الزيت لانه الحشوة مليانة زيت زيتون)

في هذه الاثناء نغسل السبانخ جيدا و نفرمه مش ناعم كتير.. ونضيف ملعقة ملح ونفركه باليدين ثم نعصره جيدا من السوائل.. رح يطلع عصارة خضراء يجب التخلص منها كليا.. اعصريه مرتين افضل..

نفرم بصلتين ناعم ونضيفها الى السبانخ المعصور.. ونضيف ملعقتين كبار سماق وملح ليمون حسب الحاجة ونصف كوب زيت زيتون (طبعا كمية زيت الزيتون كتير بالحشوة لهيك ما حطينا زيت بالعجينة).. وممكن اضافة ملعقة شطة.. تذوقي الخليط يجب ان تكون النكهة حادقة من حموضة وملوحة لانه العجينة رح تمتص الطعم وتخف كتير وتصير مناسبة

هلا صارت العجينة جاهزة.. ادهني صواني الخبيز بالقليل من زيت الزيتون (انتبهي ادهنيها ما تخلي الزيت يسبح)