منعجن العجينة ومنحط كل المكونات فيها واذا ما كفيت المي منزدلها حسب العجينة

منتركها لتاني يوم

منقطع السلق صغير ومنغسلهن ومنصفيهن

منفرم البصل صغير ومنحطهن فوقهن

منرجع منحط باقي المكونات مع زيت الزيتون ومنخلطهن بصيروا متل السلطة

منتركهن لمدة ربع ساعة تيتشربوا بالحامض والتوابل

من بعدها منجيب العجينة ومنرقها لا تكون رقيقة ولا سميكة ومنجيب علبة او كاسة لنقص فيها العجينة ونعمل فيها دوائر لنحشيها سلطة السلق اللي عملناها

من بعد ما منحشيهن منصفهن على صدر كبير عليه طحين

وبس يخلصوا منحط المقلاة على النار فيها زيت كتير لأنه بيشرب زيت وبس يحمى منقليهن ومنحطهن على كليناكس بالصينية

فيكهن تعملوا سلطة او لبن حدها بالصحة والهنا 😍