نغسل الخيار بالماء الجاري ونتركه في مصفاه ينشف

نحضر بوله وفيها الميه والملح والشطه وندق التوم ونضعه معاهم ونقلب وندوق الميه عشان نظبط الملح يكون حادق سنه عن الحدق المعتاد لاي حاجه دا لو عاوزين الخيار ميكونش مالح قوي وحدقه يكون حلو وتاكلي منه خمسه سته ورا بعض لكن لو عاوزاه حادق قوي زودي الملح تبع حدقك انا عن نفسي مش بحبه حادق

نرص الخيار في برطمان زجاج ونضع بينهم فصين توم بين كل طبقه

ونضع الميه بالتوم والشطه عالخيار اللي في البرطمان ونقفل البرطمان بالظبط يومين او تدوقيه لو انتي بتحبيه طري سبيه للوقت اللي عاوزاه لكن انا عن نفسي بحب فيه قرمشه وبحطه في التلاجه علطول بعد اليومين ويفضل في التلاجه حوالي اسبوعين مقرمش زي ما هو ما يجرالوش حاجه

بألف هنا وعافيه ان شاء الله