شاتو الكراميل بطريقة سالي فؤاد
شاتو الكراميل بطريقة سالي فؤاد
إفتح في تطبيق كوكبادالخطوات
- 1
اول حاجة في الخلاط بنضرب السكر مع اللبن مع كيسين بودرة الكريم كراميل جامد لحد ما السكر يدوب واما نتأكد انه داب خالص ننزل ب كباية الزيت ونكمل ضرب هنلاقيه تقل هنوقف وناخد كباية من الخليط ده ونسييبه في التلاجة
- 2
بعد كده هنحط البيض والفانيليا و نكمل ضرب عالسرعة العالية ونفتخ غطا الخلاط علشان يدخل هوا كتير و نضرب ونوقف كل شوية ونعمل كده حوالي 7 دقايق
- 3
بعدين هنوقف الخلاط ونحط معلقتين دقيق و معلقتين النشا وكيس البيكينج باورد ورشة الملح ومعلقتين دقيق كمان ونضرب بالراحة على السرعة البطيئة و نزود الدقيق ملعقة ملعقة حسب الإحتياج لحد ما نوصل لقوام الكيك المطلوب
- 4
هندهن الصينية سمنة ونعفرها ب دقيق ونصب فيها الخليط بتاعنا و نكون مسخنين الفرن قبلها طبعا و ندخل الصينية الفرن ومنفتحش عليها قبل نص ساعة وبعدين نختبرها ولو استوت نسيبها في الفرن شوية و بعدين نبقى نطلعها
- 5
الكباية اللي في التلاجة هنحط عليها كيس من الكرامل اللي بيبقى لونه اسود ونقلبهم كويس على بعض و نحط الخليط ده على الكيكة اما تبرد ونزوق بكيس الكراميل التانيةو نسيبها في التلاجة شوية بيبقى طعمها احلى والف هنا
الكوكسناب
Keywords
وصفات مشابهة
وصفات ننصحك بمشاهدتها
التعليقات