بطاطا كمبير (بطاطا تركيه)
اكلتها بمطعم وحبيت اجربها بالبيت وصدقا زاكيه
إفتح في تطبيق كوكبادالخطوات
- 1
بنغسل حبات البطاطا منيح لتروح الاتربه اللي عليها انا بليفها بالليفه
- 2
بنلفهم كل حبة بطاطا بتلات طبقات قصدير وبنحطهم بالفرن من تحت ع حراره 200 لمدة ساعه ونص وطبعا اذا م استوت خلوها تستوي وما تنسو كل شوي تقلبوهم
- 3
بنطلعهم وبنشقها شق طولي وبمعلقه صغيره بنطلع اللب للبطاطا وبنحط عليه زبده ذايبه وشوية جبنة موزاريلا وبنضل نحرك ليذوبو ف بعض
- 4
بنرش بحبة البطاطا الملح والفلفل الاسود وبنرجع حشوتهم مع الزبده بس بنخلي مجال يعني م بنعبيها كامله
- 5
بنعمل الحشوه التانيه ذره ومخلل ناعم ومايونيز وبنخلطهم منيح
- 6
وبنحطهم فوق اللب للبطاطا واخر شي بنرشها بالموزاريلا
- 7
وبنحطها بالفرن لتسوح الجبنه ع وجهها
- 8
وبس نطلعها بنرش كاتشب ومايونيز عالوجه
- 9
وصحه وهنا 😍
جرّبت هذه الوصفة؟ شارك كوكسناب!
دع الطبّاخ مرام العمري ♡ يرى نتيجة تجربتك لوصفته.
لا شيء يعبّر عن الشكر لصاحب الوصفة أكثر من صورة تجربتك!
جرّب أحد الطبّاخين وصفتك وأرسل لك صورة الطبق كوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات