بعد مانغسل السمك السنجاري حلو جداااا نضع في الصينيه الهتدخليها الفرن زيت مدهون وتضعي ورق المونيوم تغلفي بيه الصينيه حلو

نضع في الصينيه من تحت علي ورق الالمونيوم ده الخضره القطعناها صغير وفوقها البطاطس حلقات وتحطي فوفها سمكتك

تفتحي السمكه من النص من البطن لحد الديل وتحطي بقي جواها البصل المفروم وتتبيليه ملح وفلفل والتوم المفروم والخضره المتقطعه صغير وشرائح الفلفل الأخضر وشرائح الطماطم وطبعا تحطي فوقهم الفلفل الاسود والملح وزيت الزيتون علي الوش

وتدخليه علي الفرن علي طووول وتوطي عليه خالص لحد مايستوي السمك وبعد ماتدخلي فيه السكينه وتحسي انه استوي خالص تحطيه في الاخر خالص علي الشوايه من فوق علشان ياخد وش

اما بقي الأرز الصياديه بتاعنا تعملي زي ماتحبي من الارز حسب العدد ٤ او ٥ كوبايات ارز وتغسليهم حلو اووووي وتصغيهم من المايه

وتحطي في الحله بتاعتك شويه زيت حلوين وعليهم ٣ بصلات مبشورين متبلين بملح وفلفل اسود وعليهم نص كوب طماطم وعليهم نص كوب زبيب

تشوحيهم فالزيت لحط مابصلتك تاخد لون بني وتطفيها بلطماطم لحد ماتتقل شويه وتنزلي الزبيب وتحطي المايه وتسبيها تغلي شويه

وبعدين تضيفي الارز المغسول والمتصفي من المايه حلو وتحطي عليه الملح والفلفل الاسمر ولو حابه تضيفي اي بهارات مفيش مااانع

لحد مايتشرب المايه خالص وتوطي عليه وتقلبي كل حبه لحد مايستوي

وتقدميه مع السمك السنجاري

وبألف هنااا علي قلبكم 😇😙