بنحط بطنجرة زيت زيتون او زبدة حسب الرغبة وبنقطع البصل ناعم هو والتومه وبنضيفهم للزيت او الزبدة بالنسبة الى الزبدة اطيب وبنشوحهم لحتى يدبلو

بنضيف الفطر على البصل والتومة وبنشوحهم شوي بعدين بنحط عليهم الدجاج وبنحركو ليتغير لونه

بنضيف البهارات ومكعبين/ مربعين ماجي بس وشوية دبس رمان ورشة زعتر ناشف

بنحركها على نار هاديه وغطاية الطنجره عليها لحتى يستوي الدجاج والفطر وازا راحت المي وهم لسه ما استوو منيح بنضيف شويه مي وبنتركهم

بنحط ميه عليها شوية ملح وزيت وبنسلق المعكرونه اثناء تحضير خلطه الدجاج والفطر

هلا لتحضير البشاميل: بنحط قالب زبدة بالطنجره يدوب على نار هاديه وبنضيفلو مكعبين ماجي وبنضل نحرك فيهم لحد مايدوبو بعدين بنضيف الطحين وبنحركو شوي معهم راح يصير زي الكتل هلا بنضيف الحليب وبنضل نحرك فيهم على السريع عشان تروح تكتل الطحين ويدوب مع الحليب على نار هاديه وبنواصل التحريك لحد ما يجهز على شان لا يشعط ولا يكتل هلا بنضيف عليهم فلفل اسود وبودره التوم وبودره البصل وبنضل نحرك لحتى يبلش يتقل الخليط وراحو الكتل منو وصار تمام بنطفي عليه

هلا بحط بالصينيه او البايركس او الى بدي احط في المعكرونه للفرن طبقة خفيفه بشاميل بالأخر

هلا بتكون جهزت المعكرونه بالسلق بصفيها من المي تبعتها وبحطها فوق طبقة البشاميل ممكن اشيل من المعكرونه ازا حسيتها كتيره

بحط فوق المعكرونه طبقة الدجاج والفطر يلي عملتها وبوزعها منيح فوق المعكرونه

وبحط باقي البشاميل فوقيها وبوزعو منيح عليها وبمسك الصينيه او البايركس وبحركو عشان يوصل شوي بشاميل بين المعكرونه

وبحطها تلت ساعه بالفرن على نار حاميه اولها بعدين بخفف النار وقبل لأطلعها بشوي بحط الجبنة على الوجه وبحمرها وصحتيييين وهنا

ملاحظة: هلا الدجاج والفطر بقدر اقللو او ازيدو للكمية زي ما بحب والبشاميل نفس الشي وازا ما بتحبو الماجي كتير حطو مكعب هون ومكعب هون واتأكدو من الملح تبعها ازا بدو وضيفو والبشاميل ازا بحبو يكون زياده عليها بزيد نص لتر او لتر زي ما بدي مع زياده المكونات تبعتو❤️