بحط الزيت او الزبدة بالطنجرة على النار وبكون فارمة البصل ناعم وبضيفو هو والتومه وبشوحهم لحد ما يصيرو دهبي

بغسل الرز وبنقعو بس ما بخلي يطول يا دوب في ناس ما بتحب تنقع الرز ابو حبة طويلة

هلا بضيف بشر الجزر على البصل وبضل اعمل فيه لحد ما يدبل

بضيف البهارات والماجي وازا بدو ملح بضيف وبحط لكل كاسة رز بسمتي كاستين مي وللصنوايت لما كاسه بحط كاسة وتلت بس بنقصهم شوي لأنو نص كاسه هون بالوصفة وازا نقعت الرز برضو بقلل المي شوي وبخليهم يغلو سوا

بعدين بشيل البهارات الحب والبندوره والفلفل من المي وبضيف الرز عليهما وبخليها على نار عاليه يغلو شوي لحد ما يبلش يبين وجه الرز بوطي على الأخر ولازم تضل غطاية الطنجره عليهم هلا لما يستوي بحط بفنجان زيت قلي وبولع فحمه على النار وبحميها وبحط الفنجان بنص الرز وبحط فيه الفحمة وبسكر الطنجرة منيح لياخد الرز نكهة الدخان

بحطو بصحن التقديم وبزينو بالمكسرات الى بحبها وصحتين وهنا