مكرونه بشاميل بالفراخ
الطعم رووووعه 👍
إفتح في تطبيق كوكبادالخطوات
- 1
بسم الله. اول حاجه اسلق الفرخه بتاعتي علشان استخدم الشوربه للبشاميل
- 2
اسلق المكرونه في مايه وملح نص سلقه ومتحطيش زيت خااالص في المكرونه وهيا بتتسلق لانها بتبوظ البشاميل بتاعك واول ماتتسلق المكرونه سيييها تبرد لوحدها ومتغسليهاش خالص لان مكرونة البشاميل مش بتتغسل خااالص
- 3
تعصيج اللحمه بقي احضري طاسه وفيها زيت وسمنه وبصلتين مبشورين وتوم مقطع صغير واضيف اللحمه المفرومه وعليها فلفل اسود وملح وبهارات واضيف نص ملعقه صلصه لتغير لون اللحمه واسيبها تستوي واطفي
- 4
البشاميل بقي 👌 ركزي معايا كويس. تحطي في الحله بتاعتك ٤معالق سمنه كبيره وعليهم ٤معالق دقيق يعني بمقدار السمنه مقدار دقيق وبعدين تحمري الدقيق في السمنه لحد ماياخد اللون الدهبي وبعدين تنزلي باللبن بتاعك النص كيلو وتقلبي علشان مش يكلكع منك وبعدين تضيفي عليه كوبيتين شوربه فرخه بتاعتك على اللبن لانه بيضيف للبشاميل طعم لذيذ وتقلبي لحد مايديلك القوام الكريمي وتضيفي ملح وفلفل اسود وتطفي
- 5
المكرونه بتاعتنا بعد مابتبرد ننزل عليها ٣\٤البشاميل غرقيها بشاميل لانها بتبقي لذيذه اووي بالبشاميل وقلبي كويس اووي
- 6
نحضر الصينيه او القالب الهنعمل فيه البشاميل وندهنه بسمنه بلفرشه ونبدره بشوية دقيق مهم اوووي التكه دي علشان مش تلزق. وبعدين ننزل ٤/٣المكرونه ونفردها في اخر الصينيه ونفرد عليها اللحمه المعصجه وعليها باقي المكرونه وفي الاخر خالص عللوش باقي البشاميل ودخلي الفرن
- 7
بعد ماتطلع الصينيه من الفرن نحضر بيضه مخفوقه وعليها ملح وفلفل اسود ونفردها على الوش ودخل الفرن وشغلي الشوايه علشان تاخد لون وتحمر الوش. وبألف هنا 💋
- 8
بجد كان نفسي اوي انزل الصوره للطبخه بس مشرفة الموقع باينها حاجبه نزول الصور !!
الكوكسناب
Keywords
وصفات مشابهة
وصفات ننصحك بمشاهدتها
التعليقات