دجاج مشوي مع بطاطا
وصفه سهلة التحضير 💓
إفتح في تطبيق كوكبادالخطوات
- 1
بننقع الدجاجه بميه دافيه وخل وملح ساعه
- 2
بنقطعها من النص وبنفتحها وبنسوي فيها شرحات عميقه بالسكين
- 3
بنفرم الكزبره والثوم نااااعم وبنحطهم عالزبده بعد ما نذوبها.
- 4
بنضيف للخليط ملح،كمون،فلفل اسود،كزبره،ثوم بودره.
- 5
بنقطع بطاطا مربعات كبيره وبنسلقها ربع ساعه.
- 6
بنطلع البطاطا من الميه وبنفردها بصينيه وبنرش عليها ملح وزيت زيتون وبعدها بنحطها بالفرن خمس دقايق وبنتاكد لو ما استوت بنحطها كمان.
- 7
بنشوي وجه البطاطا وبنطلعها على جنب تبرد.
- 8
بصينيه بنحط الدجاجة وبنحط عليها مكس الثوم والكزبره والزبده من الناحيتين وبندخل الثوم والكزبره بالشرحات وتحت الجنحان وبندخلها الفرن.
- 9
بنخلي الدجاجه تقريبا 40 دقيقه بدرجة حراره 300 لحد نتأكد انها استوت.
- 10
بنشوي وجه الدجاجه بس انتبهي لانها بتنشوي بسرعه بسبب الزبده.
- 11
بقلايه بنفرم كميه كبيره كزبره مفرومه ناااعم مع زيت زيتون وثوم مفروم لحد ينقلي الثوم وبنحط عليها البطاطا المشويه بس دقيقتين وتشيلها.
- 12
بتتقدم الدجاجه مع البطاطا وصحتين وعافيه😚
كلمات ذات صلة
وصفات مشابهة
وصفات ننصحك بمشاهدتها
التعليقات