الإكلير

Name: الإكلير
Cuisine: مصرية
Ingredients: 100 جم زبدة; كوب دقيق; كوب ماء; معلقتين كبار زيت; 4 بيضات; فانيليا; ملح; خل

المكوّنات

1

اول حاجة هنحط المية في حلة على النار وعليها الزبدة والزيت
2

اول ما يختلطوا كلهم و يبدأوا يغلوا نطفي النار وننزل بالدقيق و الملح ونقلب جامد لحد ما الدقيق يختفي خالص و يتمون كورة معانا من العجين
3

هنسيب العجين يبرد خالص وأما نتأكد انه برده ننزل عليه بالبيض واحدة واحدة لحد ما كل بيضة تختلط كويس وتختفي في العجين ونحط الفانيليا والخل علشان زفارة الببيض متظهرش
4

هنسخن الفرن على 170 و نفرد ورق زبدة وندهنو في صبنية او صاج و بكيس الحلواني هنشكل الإكلير و ندخله الفرن ونتابعو اول ما يلون هنطفي الفرن
5

هنعامل الاكلير معاملة الكيك يعني لا نفتح عليه أثناء الخبز ولا بعد تمام السوا لازم نسيبه يبرد شوية بعدين نفتح ونطلعه نسيبه يبرد خالص و بعدين نفتحه ونحشيه ب كريم باتسيير و نغطي الوش ب شوكولاتة خام بني و نزوقها ب شوكولاتة خام بيضا والف هنا