بنفرد رقايق العجين عالطاولة وبنقطعها على شكل معينات🔶️ متساوية وبنستعين بمسطرة كبيرة بشان يطلعو بنفس الحجم وبنقطع بالحجم الى بنحبو صغير وسط أو كبير ما بتفرق كل واحد على زوقو ((الرقايق حوالي عشر طبقات فوق بعض))

بندهن صينية الفرن بالسمنة وبعدين بناخد المعينات الى قطعناعم وبنطوي كل معين بالنص ليصير على شكل مثلث🔺️ وبنحطهم بالصينية وبندهنهم بالسمنة وبنوزع السمنة الى زادت بالصينية لأنو الرقايق بتاخد سمنة منيح

بنحطها بالفرن على درجة حرارة ١٨٠ من تحت بالأول وبس لتاخد لون حلو من تحت بنرفعها لفوق وبس ليصير لونها دهبي من فوق كمان بنطالعها من الفرن وبنحط عليها القطر وهو سخن بس مايكون عم يغلي ((بشان تطرى وماتتكسر معنا وقت نحشيها)) وبنتركها لتبرد شوي

بس بردت بنفتحها من النص وبنحشيها بالقشطة بالكمية الى بنحبها وبنزينها بالفستق الحلبي المطحون. وألف صحة وهنا❤