نقطع بصل شرايح و نشوحه على الزيت لين ما يصير لونه ذهبي ونحطه على جنب.

نقطع بصله وجزر و فلفل رومي و نشوحهم بالصاج و نحط عليهم اللحمه و نقلبها لين ما تقرب تنشف مويتها.

نحط البهارات على اللحمه وهي ملعقه صغيره فلفل اسود و ملعقة صغيرة كمون و نفس المقدار كزبره وملح ونص م كركم

نحط مقدار ملعقه كبيره صلصة ونقلب اللحمه، ولما تقرب تستوي نحط مقدار ملعقتين بقدونس و نقلبه ونطفي عنها النار.

ناخذ زبديه نحط فيها علبه ونص قشطه و ٣ ملاعق جبنه و نص علبة كريمة طبخ ونخلطها و إذا كان الخليط ثقيل نزيد شوي كريمه.

ناخذ من الخليط ملعقه تقريباً ونحطها على اللحمه عشان تصير لينه وما تتفتفت.

ونحط في الصينيه البصل اللي حمرناه اول شي و نرص فوقه رقائق السمبوسك المحشيه و نغطيهم بخليط الكريمه.

وعشان تسكري الرقائق وما تنفرد بالصينيه حطي لها مسحه من نفس الخليط.

واخيراً ندخلهم الفرن ونولع عليهم من تحت مدة ١٠د وعقب من فوق لين م تتحمر وزينتها قبل التقديم بسماق.

و بألف صحه وعافيه يا رب 🙊💜💜