بننقع الملوخية بمي سخنة لحتى تصير طرية بعدين بنغسلها وبنصفيها منيح

بنسلق الدجاج وبنخليه على جنب

بطنجرة بنحط حوالي تلت معالق كبار سمنة وبنقطع راس توم وبنقليه بالسمنة لحتى يصير دهبي

بنحط الملوخية فوق التوم والسمنة وبنقليها منيح لحتى يتغير لون العرق تبعها

بنضيف عليها مرقة الدجاج طبعا حسب الرغبة في ناس بتحبها ناشفة وناس بتحب تكون مرقتها كتيرةو بنضيف الملح والفلفل ومكعبات الماجي وبنتركها على نار قوية

بس لتستوي ورقة الملوخية بنحط حوالي نص ملعقة حمض الليمون وبنفرم راس التوم الى ضل وجرزة الكزبرة الخضرا وبنضيفهم فوق الملوخية وبنطفي تحتها

بنسكبها وبنحط على وجهها الدجاج وبنقدمها مع الرز بالشعيرية والليمون الحامض

وألف صحة وهنا ❤