مندي
اتفقت أنا ورفقاتي وعملنا عزومة جماعية كل وحدة ساوت أكلة تسلم إيديهم وأنا ساويت المندي انشالله تعجبكم طريقتي
مندي
اتفقت أنا ورفقاتي وعملنا عزومة جماعية كل وحدة ساوت أكلة تسلم إيديهم وأنا ساويت المندي انشالله تعجبكم طريقتي
إفتح في تطبيق كوكبادالخطوات
- 1
بنسلق الدجاج وبنخليه على جنب
- 2
بنقطع البصلة تقطيع ناعم وبنحط بالطنجرة شوية زيت نباتي وبنضيف البصلة فوقو وبنقلبها منيح لتدبل وبنضيف معها البهارات الصحيحة(( الهيل، القرفة ،القرنفل ،جوزة الطيب)) وبنقليهم منيح
- 3
بعدين بنحط الرز ((طبعاً الرز مغسول ومنقوع بالمي حوالي نص ساعة))
- 4
بنقلب الرز مع البصل والبهارات وبنضيف الزنجبيل المطحون والملح وبعدين بنضيف المرقة الى سلقنا فيها صدر الدجاج وبنخلي المرقة تغمر الرز بس ما بنكتر لكل كاسة رز منحط كاسة مرقة وبس ليغلي منيح منوطي النار عالآخر
- 5
بس لتنشف المي عالآخر بنحط ملعقة صغيرة صفار الزعفران((او أي ملون متوفر عندكم)) على كاسة مي صغيرة بنحركها وبنضيفها فوق الرز وبنتركو على نار خفيفة كتير ليستوي
- 6
بنحمي فحم عالغاز وبس ليصير جمر بناخد ورقة ألمنيوم بنحطها بنص طنجرة الرز وبنحط الفحمة عليها وبنصب شوية زيت عالفحم وبنغطي الطنجرة منيح لحتى تاخد طعم الشوي
- 7
بنصب الرز وبنحط على وجهو صدورة الدجاج وبنزينو بالزبيب والمكسرات وبنقدمو مع السلطة والشطة
- 8
وألف صحة وهنا ❤
وصفات مشابهة
وصفات ننصحك بمشاهدتها
التعليقات