إفتح في تطبيق كوكبادالخطوات
- 1
اول حاجه هغسل الرز واصفيه كويس و بعدين اقلب الرز مع الزبادي كويس مع بعض و الزبادي فيدته يخلي الرز طري و الطعم كمان
- 2
هضيف بقي اللبن كله و عليه معلقه الملح و اقلبهم كويس لحد ما الملح يدوب كويس
- 3
الخطوة دي بقي مهمه عشان يعملك الوش المطلوب ::: هتوزعي معلقه السمنه على الوش و توزعي معلقه القشطه على الوش بدووووووون تقليب خاااالص
- 4
و تدخليه التلاجه بقي على بيات تسيبيه مع نفسه يشرب من اللبن و القشطة و الزبادي براحته خالص انا بحب اعمله من قبلها بليل عشان يبقي طعمه حلو طبعا لو مستعجله سيبيه مع نفسه ساعه بس يشرب شويه من اللبن
- 5
المهم تاني يوم بقي بكون انا مسخنه الفرن من قبلها ب ربع ساعه و ادخل الطاجن الفرن على الدرج اللي فوق الصاجه بتاعت الفرن بلاش يبقي على الصاجه على طول عشان ميتحرقش
- 6
المهم بسيبه بقي نص ساعه في الفرن بدون ما افتح باب الفرن نهائي عشان الهوا السخن يحمر وشه و متحتاجيش للشوايه
- 7
وطبعا بتابع الرز من برا بدون ما افتح الفرن و اشوف وشه احمر ولا لسه شويه لو احمر بفتح عليه اشوف الرز استوي ولا محتاج اكتر لان طبعا بيختلف من فرن للتاني و بس كده و بالف هنا وشفا
- 8
اهم نقطتين عشان يعمل الوش المطلوب: 1- لما توزعي السمنه و القشطه ممنوع تقلبي 2- متفتحيش باب الفرن الا لما تشوفيه من برا وتلاقي الوش اتحمر عشان لو متحمرش يبقي هتحمريه بالشوايه.. والشوايه بتنشف الرز من فوق مبيكونش حلو
وصفات مشابهة
وصفات ننصحك بمشاهدتها
التعليقات