إفتح في تطبيق كوكبادالخطوات
- 1
بطنجرة صغيرة بنحط الزبدة مع الشوكولا وبنضل نحرك لحتى تدوب عالآخر ويصير قوامهم متجانس ((ملاحظة :لحتى يدوبو بس مو يغلو))
- 2
منرفعهم عن النار وبنتركهم حوالي خمس دقايق ليبردو شوي وبهالوقت بجاط بنحط الطحين مع السكر والفانيليا ورشة الملح بنخلطهم منيح بعدين بنضيفهم فوق خليط الشوكولا والزبدة
- 3
بنضيف حبتين البيض فوقهم وبنقلب الخليط منيح حتى يتجانس وبهالمرحلة فينا نحط حبيبات شوكولا هيرشي مع الخليط
- 4
بنصب الخليط بصينية مدهونة بشوية زيت وعليها رشة طحين
- 5
خليط البراونيز بكون تقيل اكتر من الكيك العادي بنوزعو بالصينية وبنفرده نفس المستوى بواسطة ملعقة أو سباتولا
- 6
بندخلو على فرن حامي مسبقا على حرارة ١٨٠ درجة لمدة خمسة وعشرين دقيقة ((البراونيز لازم يضل طري شوي وماينشف متل الكيك العادي وهاد سر نكهتو الطيبة))
- 7
بعد مانطالعو بنخليه حوالي ساعة ليبرد وبنغلفو بالتغليفة الى بنفضلها ((صوص شوكولا أو مندوب شوكولا خام مع شوية زبدة وبنغلف فيها)) وبنزين متل مابدنا
- 8
وهي طريقة تحضير صوص كتير طيب وسهل كتير ((بدنا تلت معالق حليب سائل ،معلقتين كبار كاكاو ،كوب سكر بودرة ،ملعقة كبيرة زيت نباتي او زبدة حسب الرغبة)) بنخلط كل المكونات سوا وبنستعملها لتغليف أي نوع كيك
- 9
وألف صحة وهنا❤
وصفات مشابهة
وصفات ننصحك بمشاهدتها
التعليقات