شاو مين (أجمل وصفة صينية) ❤️
محبى الأكل الصينى هيحبوها جدا إن شاء الله واللى مجربوش الأكل الصينى هيحبوها برضة.
شاو مين (أجمل وصفة صينية) ❤️
محبى الأكل الصينى هيحبوها جدا إن شاء الله واللى مجربوش الأكل الصينى هيحبوها برضة.
إفتح في تطبيق كوكبادالخطوات
- 1
نعمل كوباية الشوربة
- 2
نسلق المكرونة لمدة دقيقة واحدة ونصفيها ممنوع تستوى لأنها هتكمل سوى في الصوص بعد كدة
- 3
نعمل الصوص وهو نحط 3 معالق صوص المحار مع كوباية الشوربة ونخلطهم جيدا ونسيبها على جنب
- 4
ننضف الخضار ونقطعه قطع جوليان أو حسب الرغبة( الفلفل الألوان والفلفلة الحارة والبصل الأخضر والجزرة والمشروم ونفرم الثوم.. ونقشر.. ونفرم الجنزبيلة
- 5
نضع حلة على النار ونحط ملعقة الزيت حتى تسخن جدا وننزل بالخضروات ونشوحها لمدة 5 دقائق لغاية ما تاخد لون خفيف(آخر حاجة ننزل بيها الثوم)
- 6
نقطع البانية جوليان أو مكعبات حسب الرغبة وفى بولة عميقة نخلطه مع الصويا صوص ومعلقة واحدة خل الأرز وممكن ملعقة عصير عنب (بدون كحول طبعا علشان حرااام) 😁 على فكرة خل الأرز أو العصير حسب الرغبة يعنى لو مش موجودين متعملوهاش مشكلة 😂
- 7
في حلة تانية نحط ملعقة زيت ونسخنه وعليه ننزل بالفراخ كأننا بنصدمها ونشوحها لغاية ما ميتها تنشف وتاخد لون جميل ❤️
- 8
نحط على الخضار المكرونة وعليهم صوص المحار مع الشوربة ونقلب ونسيب المكرونة تستوى في الصوص لدقيقة أو اتنين
- 9
وعليهم البانية ونقلب
- 10
ونغرفها في طبق ونزينها بالسمسم
- 11
ملاحظة المقادير دى لفردين لو 4 هتضاعفوا المقادير. ومعلومة مهمة ممكن تشترى واحد اندومى بنكهة الفراخ أو الخضار وتضيفى النكهة فقط على الشوربة اللى هتعملى بيها صوص المحار
- 12
وبالهنا والشفا 😀
Keywords
وصفات مشابهة
وصفات ننصحك بمشاهدتها
التعليقات