كسكسي باللحمة والخضروات
أطعم أكلة مغربية بطريقتى المصرية
إفتح في تطبيق كوكبادالخطوات
- 1
أولا قبل أى حاجة الحمص يتنقع من الليلة اللى قبلها ويتسلق لغاية ما يبقى نص سوى أو اكتر
- 2
كل الخضار يتنضف كويس ويتغسل ويتقطع حسب الشكل اللى تحبيه
- 3
أولا نشوح اللحمة في حلة كبيرة بمعلقة زيت لغاية ما تاخد لون وبعدين ننزل عليها بالبصله مقطعة شرائح وبالطماطم مقطعة أو مبشورة ونشوحهم
- 4
ننزل على اللحمة بليترين ماية سخنة ونحط عليهم ملعقة صغيرة فلفل اسود ومعلقة الجنزبيل ونص ملعقة قرفة وبعدين نحط الخضار اللى بيستوى في وقت أطول الأول حزمة البقدونس والكسبرة والجزر. وبعدين بعد 10 دقايق باقي الخضار وبعدين الحمص
- 5
نفلفل الكسكسى ب4 معالق زيت كويس أوى
- 6
نجيب لتر ماية سخنة ونملحه بمعلقة ملح ونستخدم نص لتر فقط نرشه على الكسكسى ونقلبه ونسيبه 5 دقايق هينفش شوية
- 7
نحطه في مصفى استانلس بنفس حجم حلة اللحمة علشان متسقطش في حلة اللحمة ونحط المصفى على حلة اللحمة وهى بتغلى ونغطيها. بمنديل لمدة نص ساعة لكن كل 10 دقايق نشيل المنديل ونقلب الكسكسى
- 8
بعد كدة نشيل الكسكسى نحطه في صينية ونرش عليه كوباية مايه ونقلبه كويس بحيث يبقى مفلفل مش مكلكع
- 9
لو لسه مستواش نرجعه تانى في المصفى ونغطيه بالمنديل وبعد ربع ساعة نشيله ونحطه في صينية التقديم نقلبه كويس
- 10
نسيب اللحمة والخضروات لغاية ما اللحمة تستوى والخضروات وبعدين نشيل اللحمة والخضار ونحطهم على الكسكسى
- 11
نعمل بقى صلصة الزبيب أنا حبيتها جدا ملعقة زيت عليهم بصلة مقطعة نقلب لغاية ما تتكرمل ونحط. ملعقة سكر وشوية ملح صغيرين
- 12
وبعدين 50 جرام زبيب وكوبايتين شوربة واسيبها تغلى لغاية ما تتقل وتنشف واحطها على وش الكسكسى أو اسيبها على جنب
- 13
بالهنا والشفا 😀
من الأكثر بحثًا في
Keywords
وصفات مشابهة
وصفات ننصحك بمشاهدتها
التعليقات