نقطع اللحمة ونضعها بالصاج على نار هادية حتى تتطلع كل ميتها مع التقليب المستمر

بعد ما تطلع ميتها بنرفع النار عالعالي حتى تبلش تنشف

نقطع الخضار ونضعه فوق اللحمة ونقلبه، اخر شي البصل حتى ما يذوب

نملح اللحمة ونغطيها على نار هادية مرة تانية، حتى تطلع كل ميتها. مع التحريك المستمر

نحط فحمتين على الغاز لحتى يجمروا منيح

نرفع الغطاء ونضيف الزيت ونقلب اللحمة فيه على نار عالية

نعمل جورة باللحمة قدر فنجان صغير ونحط فيه زيت ونحط الفحمتين بالفنجان ونغطي الصاج بشكل محكم حتى ما تطلع الدخنة منه.

بعد خمس دقايق نرفعه ونشيل الفحمات تقدم مع بقدونسية وطراطور وصحة وعافية😍😍