اول خطوة بنغسل الدجاج منيح بخل وليمون..

بعد هيك بنحطو بطنجرة على الغاز وبنسلقه مع ورق لورا وبصلة مقطة ارباع ومرقة الدجاج الفورية ورشة فلفل اسود

نحط شوية من ماء سلق الدجاج ورشة من كل البهارات المذكورة في الاعلى وبنخليها على الغاز دقيقتين وبنخليها على جنب ﻷنه رح نحطها على وجه الرز

الخطوة التانية بنحط ملعقة كبيرة زيت قلي وبنحطها على الغاز وبس تسخن بنحط اللحمة المفرومة وبنقليها وبنرش عليها رشة ملح وفلفل اسود وبس تدخل اللحمة في حالة استواء بنحط البازيلا والجزر ونحركهم مع بعض

بعد استواء الدجاج بنقليه لحتى ياخد اللون الذهبي وبنفلفل الرز ب ماء الدجاج مع وضع البهارات المذكورة

بعد استواء الرز نضع الرز ومن ثم اللحمة مع البازيلا والجزر وبعدهم نضع الدجاج المقلي ونضع المكسرات اللي موجودة

وصحتين عافية.