عجنت البطاطس المهروسة برشة ملح وفلفل اسود وبهارات مشكلة وشوي كريمة طبخ

حمست البصل المقطع صغار والفلفل الرومي والجزر على الزيت لين ذبل

ضفت عليهم بهارات مشكلة نص ملعقة وفلفل اسود وملح وتركته خمس دقايق

وضفت دجاج مفروم وقلبته دقيتين وتركته على نار خفيفة لين تتسبك الحشوة تمام

واخذت شوي من البطاطس قد حبة ليمون الزهري وحشيت بالحشوة وكورت دواير

سويت صوص البشاميل

ثلاث ملاعق كبيرة حليب مع ثلاث ملاعق دقيق وبهارات بيضا او ربع ماجي وشوي زيت تقريبا ملعقة وفلفل اسود وملح وبقدونس شوي وخفقت لين صار ثقيل

وضفت على الصوص كريمة الطبخ نص كوب وخفقته دقيقتين وطفيت النار

حطيت من الصوص على الصينية شوي

وحطيت عليه من الحشوة ورصيت عليه كورات البطاطا وصبيت فوقه صوص البشاميل ووزعت جبن موزاريلا ودخلت الفرن من فوق عشر دقايق وبعد ماتحمر من فوق طلعته وبالعافية