نغسل البرغل بالماء ونترك عليه القليل من الماء شي نص ساعة حتى يتفتح البرغل

نضيف عليه البصلة والفلفل والفليفلة ودبس الفليفلة والملح ومنديرن على ماكينة اللحمة دور أو دورين لحتى تصير العجينة متماسكة منعملها كرات بحجم البيضة الصغيرة ومنغطيها حتى ماينشف البرغل

منكون مجهزين الحشوة منقطع البصلة ناعمة ومنقلبها على النار مع ملعقة سمنة لتدبل ومنضيف عليها اللحمة ومنقلبها لتستوي وتتنشف منضيف الملح والفلفل والجوز منقلبهم شوي ومنطفي النار

منبدأ بتشكيل الكبة مناخد كل كرة من العجينة منجوفها بالاصبع ومنحشيها باللحمة ومنسكرها وهيك لتنتهي الكمية

منحمي الزيت ولازم يكون غزير ومنقلي الكبة ومنطالعها منحطا على ورق لتنشف من الزيت ومنقدمها ساخنة وبالهنا يارب