عجينة السمبوسك بتاعت الكنفاني المفقفقة الهشة
ياما هنا في السعودية السمبوسات.. اجيبها و اجي اقليها احسها ناشفه زى الجلاش مش زى المصرية خالص و مش فاهمه ليه.. اجيبها بناء على رسمة السمبوسة اللي عليها الاقيها مش بتطلع زيها.. احترت و اتشليت سالت واحدة صاحبتي قالتلي طب بليها قبل القلي تفقفق معاكي طب اقليها على زيت مولع طب خلى زيت هادى طب اقليها في حلة و غطيها اثناء القلي البخار يطريها طب اقليها و حطيها في فويل طب كبرى من فكرة السمبوسة بقا و اشتروها جاهزة و ارحموا نفسكوا 😃😃 لحد ما فضلت اجرب و اجرب و الحمدلله وصلت للسمبوسة المثالية
عجينة السمبوسك بتاعت الكنفاني المفقفقة الهشة
ياما هنا في السعودية السمبوسات.. اجيبها و اجي اقليها احسها ناشفه زى الجلاش مش زى المصرية خالص و مش فاهمه ليه.. اجيبها بناء على رسمة السمبوسة اللي عليها الاقيها مش بتطلع زيها.. احترت و اتشليت سالت واحدة صاحبتي قالتلي طب بليها قبل القلي تفقفق معاكي طب اقليها على زيت مولع طب خلى زيت هادى طب اقليها في حلة و غطيها اثناء القلي البخار يطريها طب اقليها و حطيها في فويل طب كبرى من فكرة السمبوسة بقا و اشتروها جاهزة و ارحموا نفسكوا 😃😃 لحد ما فضلت اجرب و اجرب و الحمدلله وصلت للسمبوسة المثالية
إفتح في تطبيق كوكبادالخطوات
- 1
اول حاجه يادوب نلم العجينة مش محتاجين لت و عجن بمعنى الكلمة 😃
- 2
تانى حاجه بعد ماتتكون عجينة مش بتلزق نعمل كور
- 3
نرش الرخامة بالنشا و نفرد كورة كورة و نغلفها بالنشا و مش لازم نفرد بضمير عشان لسة التقيل جاى.
- 4
بعد ما فردنا الكور نحطهم فوق بعض و بين كل دايرة و التانية كمية نشا كتير يعني مش رشة و خلاص علشان النشا هو اللي هايخلى الطبقات منفصلة و الا هاتشرب النشا مع الفرد و تتحول لطبقة واحدة
- 5
فردتى كام مرة كدة و الدنيا مشيت معاكى اتطمنى ان لسة الطبقات منفصلة و يسهل فكها عن بعض و النشا لسة موجود والا افصلي الطبقات و زودى نشا و رصيهم تاني
- 6
تركة الفقفقة و انها تكون سمبوسة هشة و مقرمشة و طرية في نفس الوقت هو سمك الورقة.. علشان كدة حاولى تخليها رفيعه مع ضمان ضمان ضمان تاني ضماااااااان 😃 وجود النشا يابنت الناس والله دى اهم من السمبوسة نفسها و علشان تضمنى انها بقت رقيقة بعد ما تقطعيها شرايح حطيهم فوق بعض و افردي بالنشابة هايتفردوا تانى و عادى لو طولوا اوى اقطعى بالعرض و بقى عندك ضعف الكمية 😃
- 7
خلاص كدة تمام ؟ اقطعيها شرايح بالطول بسكينة بقطاعه اى حاجه و سخنى صاج الفرن على ضهره عالبوتجاز حلو و حطى كل شريحه يادوب ثواني تتشمع و اقلبيها تتشمع تاني و شيليها و بعدين افصليها و رصصيها.. يعني ايه تتشمع يعني تحسي انها خدت الصدمة و نشفت.. ده بياخد ثواني و هتحسي بنفسك بموضوع اتشمعت ده
- 8
خلاص فصلتي و رصصتى ؟ شيلي في اى شنطه او كيس و حطي في الفريزر و طلعى اى وقت و ابقي عرفيني 😉
- 9
ممكن تكون خطوات كتيرة لكن ده عشان بالظبط لأى حد حابب يعملها في البيت و من مرة واحدة هتلاقيها سهلة جدا و مش بتاخد وقت 🙄
الكوكسناب
Keywords
وصفات مشابهة
وصفات ننصحك بمشاهدتها
التعليقات