بالطنجرة بتحطي ربع كاس سمنه، بتخليها تحمى منيح وبتحطي كاس سميد خشن بتحركي منيح حتى يصير لونو ذهبي، بعدين بتحطي كاس قطر، معلقتين ماء زهر، بتخليهم يغلو تقريبا خمس دقايق حتى يستوي السميد، بتصبيهم بصحن تقديم.

لعمل القشطه: كيلو حليب سائل بنحطو بالطنجرة ولما يقرب يغلي بنحطلو 3 ملاعق خل ابيض حتى يفقس الحليب، بتطلع القشطه وبتصير الماء على صفار، وبنصفي القشطه بمصفايه ناعمه كتير، وبنخلطها مع قشطة بوك.

بنزين المدلوقه بالقشطه والمكسرات وممكن تاكلوها ساخنه وممكن بارده، بتقدرو تحطو على الوجه قطر، والف صحه وهنا.