طريقة عمل وربات بالقشطة برقائق البقلاوة الجاهزة
طريقة عمل وربات بالقشطة برقائق البقلاوة الجاهزة
إفتح في تطبيق كوكبادالخطوات
- 1
علبة رقائق البقلاوة الجاهزة منشتريها مجمدة منطالعا من الفريزر قبل ساعتين من تحضير الوربات ومنفتحا ومنقطع الرقائق 6 مربعات.
- 2
ومناخد كل مربع منعمل فيه 2 قطعه يعني القطعه حوالي 7 طبقات منحط الحشوة بالنص ومنسكر الاطراف عشكل مثلث ومنصف المثلثات بصينيه للفرن مدهونة بسمنة.
- 3
وبس نخلص حشو منوزع كاسة سمنة مذوبة ممكن نخلط نص كاسة سمنة مع نص كاسة زيت فوق الوربات.
- 4
ومنحمي الفرن منيح ومندخل الصينيه عالفرن والنار من تحت ومن فوق بس ينشف الوجه منطفي من فوق ومنتركا لتنشف مزبوط وتتحمر من تحت.
- 5
منرجع منشعل من فوق ومنحمر الوجه واللي مابيشعل عندا الفرن من الجهتين مع بعض بتشعل من تحت فقط بالاول بعدين بتشعل من فوق وبعد الخبز منضيف قطر بارد.
- 6
القطر: 2 كاسة سكر وكاسة مي ونص ملعقه صغيرة ملح الليمون منحطن ع نار هاديه وبس غلي المي مننتظر 5 دقايق ومنضيف ماء زهر ومنطفي النار ومنتركو يبرد.
- 7
القشطة: لتر حليب حطيتو عالنار وبس سخن ضفت نص ملعقه صغيرة ملح الليمون وممكن 2 ملعقه-كبيرة خل ابيض او عصير ليمون وبس فرط بتركو يغلي ثواني وبطفي النار وبس برد بصفي القريشة اللي طلعت.
- 8
عالنار بحط 2 كاسة حليب سائل مع نص كاسة سميد ناعم 2 ملعقه-كبيرة سكر وملعقه صغيرة زبدة وبحرك ليغلظ قوام المزيج.
- 9
بطفي النار وبضيفا ع قريشة الحليب اللي حصلت عليا من فرط الحليب وبخلطن مع بعض وعالبراد لتبرد منيح وتنشف مزبوط.
الكوكسناب
وصفات مشابهة
وصفات ننصحك بمشاهدتها
التعليقات