بنكون سالقين الدجاجه. بنضفها من العظم وبنفتتها الى قطع صغيرة. بنحطهن بطنجره وبنحط عليهن زيت.

بنجيب الثوم المدقوق, بنحطه بجاط غميق وبنحط فوقهن دبس البندوره واللبن و البهارات كلها. بنخفقهن مزبوط.

بس خفقناهن مزبوط, بنحطهن فوق الدجاج يلي بالطنجره وبنقلبهن مزبوط مع الدجاج. وبنحطهن على نار هاديه تقريبا شي نص ساعه. بس بنضل كل شوي نقلبهن.

بس نطفي تحتهن, بنخليهن يبردو شوي. بس يبردو, بنجيب خبز وبنصير ندهن على الخبز, اول شي المايونيز وبعدين بنحط معلقتين من الدجاج و كم شرحه من الكبيس و البطاطا المقليه.

بنلف الخبزه مزبوط مشان ما تفتح معنا واحنا نحمرهن بالزيت.

بنضل نعمل هيك لحتى تخلص كميه الدجاج كلها. بعدين بنجيب مرق الدجاج وبندهن اللفات بمرق الدجاج, بيعطيهن طراوه.

بعدين بنجيب صينيه كبيره وبنحط فيها شويه زيت ابيض وبنحطها على نار وسط لحتى يحمى الزيت. وبنصير نقلب اللفات بالزيت. وكل ما شفنا الزيت خس, بنرجع بنزيدو شوي مشان ما تحترق معنا اللفات. هيك لحتى نخلص كل اللفات.

وبس نخلص, بنقطعهن بسكين وبنصفهن بصحن التقديم.