الدنش و الباتيه والكرواسون من نفس العجين
الدنش و الباتيه والكرواسون من نفس العجين
إفتح في تطبيق كوكبادالخطوات
- 1
هنقلب كل المكونات الجافه مع بعض ونعجنها بالمايه ولما العجين يلم ويكون طري هنحط ملعقة السمن ونعجن شويه كمان
وهنسيب العجين يستريح عشر دقايق
- 2
هنرش السطح اللي هنشتغل عليه بالدقيق كويس جدا وتفرد بالنشابه بسمك مش عالي
- 3
هنحط بلوك (قالب) الزبده في وسط العجين
- 4
هنقفل العجين كويس اوي من كل الاتجاهات على الزبده
- 5
هنفرد العجين بشكل طولي كده بالراحه خالص عشان العجين ما يتقطعش والزبده تخرج منه
- 6
هنثني طرفين العجين على بعض ولازم جدا جدا جدا بفرشه تتخلصي من اي دقيق زايد جوه العجين
- 7
هنفرد تاني بشكل طولي ولازم في كل مره نرش دقيق تحت كويس اوي عشان العجين ميلزقش ويتقطع
- 8
ده شكل العجين بعد تني وفرد حوالي ٨ مرات هتلاقوا العجين بقي طررررري ونااااعم جدا ولونه رااائع
- 9
لحد الخطوه دي تقدري تستعملي العجين ده في التشكيل الباتيه والكرواسون
- 10
للتلميع
٣ معالق مربى مشمش + ربع كوب ماء ونرفعهم على النار لحد المربى ما تذوب
هتعملي العجين وتقطعيه اشكال الدنش
- 11
هنسيبه نص ساعه يخمر كويس
- 12
ندهن الوش صفار بيضه ومعلقتين لبن وفانيليا
ندخله التلاجه عشر دقايق - 13
ندخله فرن ٢٢٠ درجه لمده ربع ساعه او الوش يحمر
- 14
هيخرج من الفرن ونلمعه بالمربي ونسيبه يهدي شويه ونغطيه بورق استرتش
- 15
ملحوظه : متستبدليش الزبده التونسي او المارجرين المخصص للمخبوزات باي نوع زبده تاني لأنه مش هيديكي نتيجه كويسه
وصفات مشابهة
وصفات ننصحك بمشاهدتها
التعليقات