العجينه الاساسيه: نخلط النواشف ثم نحط السوائل، يعني ننخل اكواب الطحين ونحط الخميره والملح ونخلطهم اولا، ثم نحط الزيت ثم الماء ونعجن.

عجينتي انا: نخلط : اولا (الحليب + الزبادي + الملح + السكر + البيض + الزيت + الفانيليا + الخميره) وبعدين ننخل اكواب الطحين على هذا الخليط

نترك العجينه تختمر في كاسه غطاها محكم الاغلاق، وانتبهوا لا تطفر 😁 اذا نفشت عيدوا عليها مره او مرتين ثم نبدأ الخبز.

الحين نسوي زي ما نسوي بفطائر السينابون، نفرد العجينه بشكل مستطيل واسع ونفرد فوقها معجون تمر ونلفها على شكل رول

نقطع الرول حلقات ونرص الحلقات بصينيه تيفال ونرش فوقهم سمسم ونخبزهم

طبعاً فترة الخبز قصيره اقصر من وقت خبز عجينة الفطاير، على حسب حرارة الفرن اللي عندك.

اخيرا وبعد الخبز نصب فوقهم عسل وتقدم بالهناء والعافيه.