هنجيب الزيت واللبن والسكر وبودره النسكويك وهنحطهم في الخلاط ونخلطهم كويس وناخد منهم كوب ونحطها في التلاجه

هنحط البيضتين والبيكنج بودر والفانيليا في الخلاط على باقي الخليط ونخلط كويس

نحط الدقيق في طبق كبير ونحط عليه الخليط ونقلب الخليط كله بس منقلبش كتير عشان ميدخلهاش هوا وتطلع معجنه كل ما تقللي تقليب كل ما هتطلع هشه يعني قلبيها لحد ما لون الدقيق يروح ويبقي كل الخليط شوكولاته

افتحي الفرن قبل ما تحطي الخليط ب ربع ساعه وهاتي صينيه وادهنيها سمنه حاجه بسيطه خالص ورشي ذره دقيق علشان الكيكه متلزقش في الصينيه

حطي الخليط ووزعي كور النسكويك على الخليط ودخليها الفرن ومتفتحيش عليها كتير هي ممكن تقعد نص ساعه لحد ما تتعمل

وبعدين هاتي خله اسنان (سلاكه) واغرزيها في الكيكه عشان تشوفيها استوت من جوا ولا لا لو الخله طلعت مش نضيفه تبقي لسه مش استوت لو طلعت نضيفه

اقفلي عليها النار وسيبيها في الفرن شويه وبعد كدا طلعيها سيبيها تبرد شويه وحطي عليها الصوص اللي في التلاجه

وبالهنا والشفا ❤️