نمزجو البيض مع المرغرين مع السكر والنشاء ثم نضيف فانيلا مع جوز الهند ونضيفو الفرينة (طحين) حتى تصبح عجينة طرية بلا ما ننساو الخميرة

نحضرو الحشو ونحطو فيه جوز الهند مع السكر والمبشور ونزيد بياض البيض وفي نفس الوقت ندلكوه باش يذوب السكر ويجينا الحشو معسل

ثم ناخذو كرة من العجين ونحطو فيها كرة من الحشو ونحطوها في مول السيليكون او قوالب فردية تع دزيريات وندخلوهم يطيبو وغير يحمارو نخرجوهم ونخلوهم يبردو على جهة

ثم نمسحوهم باللماع الفضي ونحط وروود من فوق

نذوبو الشوكولاتة على حمام مائي بدون اي إضافة ونديرو في مول السليكون ونعاودو نرجعو الحبات ونضغطو حتى تطلع الشوكولاتة وتتغلف الحبة كاملة وندخلوهم للثلاجة وكي تبرد الحلوى نديموليوهم بالعقل برك (نزينهم)