بنجيب ورق العنب, بنرتبو فوق بعض وبنحط بطنجرة ماء على الغاز. وبنسلق الورق, شرط انو ما تسلقيه كتير.

بنجيب الارز بنغسلو. بنفرم عليه البندورة والبقدونس او النعناع وبنحط الكركم والبهار المشكل والفلفل الاسود ورشة ملح. وبنحط الثوم بنفرمها فرم صغير وبنخلطهم ببعض.

بنجيب ورقه ورقه بنحط شوية رز فيها. بتلفوها بالطريقه اللي بتحبوها, لتخلص الكميه.

بنجيب طنجرة بنحط بالقاع شرايح بندورة وشرايح بصل وفصين ثوم وبنحط الدجاج فوقيهم. وبالاخير بنحط ورق العنب فوقهم.

بنغطيهم بماء وبنحط الماجي فوقهم, او شوربة دجاج وبنعصر حبة حامض فوقيهم. وبنتركهم على الغاز ليستوو.