طبعاً هتغسلي الفراخ كويس جداً بالملح والمياه.

بعد كده, تقطع خضار تتبيله فراخ.

بعد كده تضربيهم في كبه او في الخلاط, حسب المتوفر.

تفضيهم في بوله. وبعد تنزلي عليهم بالتوابل, ملح وفلفل اسود وبهارات وزنجبيل وحبهان وبابريكا.

بعد كده, تشقي بالسكينه الفراخ كده علشان كل فرخة تاخد تتبيله كويسه.

بعد تتبيلها, تشيلها في ثلاجة من ساعتين أو اكتر علشان تتشبع من التتبيله. وكل ما تقعد اكتر طعمها يبقي حلو جداً, انا عن نفسي عملتها بليل وشويتها تاني يوم.

بعد كده لما طلعيها من الثلاجه, نبدأ نعمل الخضار اللي هنحط معاها. نقطعها كلها, ماعدا الثوم يفضل سليم.

والبطاطس كمان طبعاً تتقطع.

بعد كده نجيب طاسه على النار ونحط فيها زيت نص ملعقة ثوم ونحط كمان مكعب ماجي بس يكون مبشوره ومقطع صغير بالسكينه. حطيت اول مكعب دلوقتي علشان يذوب مع الزيت والثوم بيعمل نكهة فظيعه. وقلبيهم شويه, بس اهم حاجه مش عاوزه الثوم ياخذ لون خالص.

بعد كده انزل بكل خضار مقطع, ماعدا الليمون والثوم وتقلبيهم شويه, بس مش عاوزهم يذبلو, عاوزه احافظ على نضارتهم. ومكعب تاني برضو نبشره او نقطعه بالسكينه. ونحط على الخضار وهو في الطاسه وتقفل على طاسه.

بعد تحط على فرخه قبل ما تخش كيس حراري زيت, تكسيها كلها.

بعد كده تدخلي فرخه الأول في الكيس الحراري.

بعد كده تحطي الخضار,جزء منه في ظهر الفرخه هكذا.

بعد كده تحطي باقي الخضار كمان. وزعت فصوص الثوم في الكيس و شرائح الليمون.

طبعاً تلاقي ماتبقى تتبيله ماترمهاش. تحطها كمان في كيس حراري وتقفلي كيس كويس وتحطيها في ثلاجه صينيه. وتدخليها الفرن.

بألف هنا 😍.