بدايه طريقه هي الوصفه رح تكون على مرحلتين الاولى تحضير العجين، نضيف الطحين و رشه ملح عليه و معلقه زيت و نضيف مي بالتدريج بحيث تتكون لدينا عجينه متماسكه، نتركها ترتاح لمده ٢٠ دقيقه او نص ساعه.

خلال هاد الوقت بنكون حضرنا الحشوة و اللي هي عباره عن كفته عليها ملح و بهار حلو و فلفل اسود نيه يعني مو مقلبه على غاز و في ناس بحطوا الحشوة بتكون عباره عن لحمه مفرومة مع بصل مستويه بس انا بفضل كفته و تكون نيه لانها بتعطي نكهة مميزة للبن بحس لما تكون لحمة مفرومة مع بصل انها صفت عجينه و لحمه متل معجنات و هاد الخيار برجع الكم يا ستات البيوت.

نفرد العجينه علي سطح مرشوش بطحين و نقطعها الى دوائر صغيره بالقطاعه، نحشو الدوائر بالحشوة و نغلقها على شكل طاقيه.

المرحله تانيه تحضير لبن: بنطخ اللبن(الزبادي) و بنضيف عليه نشا و ملح و نركب لبن على غاز و بنضل نحركه لحتى يوصل للغليان بعدها بنسقط طواقي العجين باللبن و نتركها لمده ٢٠ دقيقه.

و اخر شي بنقدح للشيشبرك بشويه توم

و عند تقديم نضيف بقدونس علي وجه و صنوبر المقلي و ممكن يوكل مع الرز الابيض بالشعيريه و صحتين و عوافي