صيادية سمك بنكهة الفحم
إفتح في تطبيق كوكبادالخطوات
- 1
بنغسل السمك بالطريقة المعتادة وبنشفه من المي بورق المطبخ وبنحط عليه بهار مشكل وسماق وبنبرش 3 فصوص ثومة وملح كمان تقريبا نص ملعقة صغيرة وكمون وشوية زيت زيتون بنغلف السمك بالخليط جيدا وبنتحفظ فيه بالثلاجة ساعتين
- 2
بعد ساعتين بنبلش نحضر الارز بنقلب بطنجرة بصلة وحدة وبرش سنين ثوم بقليل من زيت الزيتون وبنضيف 3 كاسات ماء وبكيت ماجي وملقعة كمون صغيرة وملعقة هيل صغيرة وشوية بهار مشكل وربع ملعقة كركم وملح حسب الرغبة
- 3
نترك الماء يغلي وبنغسل كاستين رز بسمتي وبنضيفهم عالماء وبنترك النار حامية لحتى يشرب الرز الماء بعدين بنوطي النار عاقل شي لمدة عشر دقايق
- 4
خلال هالفترة بنقطع الاربع بصلات شرائح وبنقليهم بزيت الزيتون بنتركهم يتحمرو وبنصفيهم من الزيت
- 5
بنفس زيت البصل بنقلي السمك بنحمره عالجانبين مع مراعاة تكون النار هادية حتى يستوي السمك
- 6
بس يتحمر السمك بنحط زيته فوق الرز وبنحط السمك فوق الرز وبنكون مولعين فحمة بنحطها بصحن معدت وبنعمل حفرها بالرز وبنحط نتفة زيت عالفحمة وبنسكر الطنجرة بسرعة عشان ياخد السمك والرز نكهة الفحم
- 7
بنتركه خمس دقايق وبنقدمه وبنزينه بالبصل المقلي
- 8
ممكن تعملي جنبه سلطة طحينية وليمون وبقدونس طيبة كتيييير
وصفات مشابهة
وصفات ننصحك بمشاهدتها
التعليقات (3)