في صحن غامق وبالخلاط الكهربائي نخلط بيضة كاملة وبياض البيضة مع السكر(صفار نحتفظ به لدهن)حتى يصبح الخليط أبيض ويتضاعف الحجم,نسيت مصورتش الخليط, +الملح +الكاكاو+مبشور البرتقالة, ونخلط +الفرينة (طحين) والخميرة(هنا إذا العجينة جات جارية تقدري تزيدي شوية فقط)أنا جاتني مليحة.

نجيب الشوكولاته أنا استعملت 2 طابلات منى بالحليب (ولي تحب السوداء دير.)نقطعها بالسكين رقيقة ونضيفها للخليط ونحاول ندخلها في الخليط حتى تصبح عجينة طرية.

ندهن طاولة العمل ويدينا بالزيت ونقسم العجينة على 2 ونشكلها حربوش ندهنوهم بصفار البيضة وندخلهم للفرن مسخن على درجة حرارة 180 درجة.

بعدما يطيب, اي يستوي نخرجوه ونقسموه وهو سخون. لي تحب لكروكي مقرمش ترجعو للفرن يحمار شويةعلى الجهتين الفرن مشعل من فوق,ولي تحب يجيها معلك تخليه هكذاك, بصراحة في كلتى الحالتين يجي هايل معلك وقطع الشوكولاته ذائبة من داخل وتحسي بيها كي تاكليه.