إفتح في تطبيق كوكبادالخطوات
- 1
انا عملتها كوبايتين ونص دقيق ومعلقة ملح ومعلقتين سكر والميه على حسب ما العجين يلم واعجنو كويس وسيبوها ترتاح ساعة وحطو عليه شوية زيت وبعد الساعة تتقطع العجينة اربع كور وسيبوها ترتاح نص ساعة وبعدين تفردي كل كورة على اد متقدرى يعنى تدهنى الترابيزة بالزيت وتفردى عشان يبقى سهل الفرد وبعدين تدهنيها ذبدة بلدى او صفرا او زيت وتتنى الجنب وتحطى المادة الدهنية وهكذا فكل جوانب العجينة لحد ما تاخد شكل المربع
- 2
هتلمى اطراف المربع على بعضها عشان يرجع شكلها زى الكورة. وتحطيها فصنية مدهونة ونسيبها ترتاح لحد منسخن الفرن
- 3
وبعد مترتاح نص ساعة هتفرديها فالصنية كلها وتدخليها الفرن على الرف اللى تحت لحد متاخد اللون الدهبى وتقلبيها الناحية التانية وبعد كدة هتكونى مجهزة بخاخة ميه هتبخيها بالميه عالخفيف وتحطيها فكيس نايلون وتقفلى عليها بكدة هتفضل طرية معاكى اطول وقت ممكن وبالف هنا وشفا
- 4
فى طريقة تانية للتسوية بدل الفرن وهى على عين البوتجاز هتيجى طاسة هتسخنيها وبعد ما العجينة ارتاحت اخر نص ساعة هتفرديها على ترابيزة على اد الطاسة اللى هتسوى فيها وتحطيها فالطاسة تكون مدهونة وتوطى النار خالص عشان تستوى على مهلها ولما تاخد لون دهبى هتقلبيها عالناحية التانية وادهنى بردو الطاسة عشان تحمر الفطيرة وهتبخى بالبخاخة بردو وتحطيها فكيس نايلون وبالف هنا وشفا
- 5
ملحوظة انا عملتو حجمو صغير عشان تبقى الواحدة على اد الفرد يعنى مش شرط يكون الفطير كبير شايفين مورق فالصورة ازاى اتمنى تجربو وان شاء الله يعجبكو سلام
- 6
الطريقة دى بتحتاج زيت وزبدة كتير
Keywords
وصفات مشابهة
وصفات ننصحك بمشاهدتها
التعليقات (9)