القرص الطرية الحلوة بزيادة والسهلة السريعة
القرص الطرية الحلوة بزيادة والسهلة السريعة
إفتح في تطبيق كوكبادالخطوات
- 1
هتجيبى نص كباية ماء دافيه وعليها ملعقة ونص سكر والخميرة وقلبيهم واركنيهم عشان يخمرو هاتى الدقيق وحطى عليه الملح والبيكنج بودرة والشمر ومعلقة السكر
- 2
وحطى كباية الزيت بالزبدة ونص كباية الزبادي ونص كباية الماء بالخميرة وقلبى كلو مع بعضه لحد مكلو يتجانس لو حسيتى العجينة محتاجة دقيق حطى حبه صغيرين العجينة دى مش بتحتاج عجن مجرد مبتتلم معاكى خلاص بتبقى عجينة طرية وناعمة هتغطيها وتسبيها نص ساعة تختمر
- 3
وبعد كدة تكوريها وتعمليها قرص وترصيها فصنية مدهونة زيت خفيف اوي وتسبيها ترتاح 10 دقائق
- 4
هتسخنى الفرن وتحطى الصينية على البلاطة تحت خالص 7 دقائق بالعدد وترفعى قرصة لو اخدت لون ذهبي ارفعيها تحت الشواية مبتاخدش وقت خااااااالص فالتسوية خليكى متبعاها وبس كدة وبالف هنا وشفا
- 5
مقدار النص كيلو دقيق بيعمل حوالي 17 او 18 قرصة زي مواضح في الصورة
- 6
ملاحظات: مدة العجن والتخمير والخبز لا تتعدى الساعة وقت العجن لو العجينة محتاجة ماء ممكن تستبدلى الماء باللبن الحليب
- 7
وممكن تستخدمى الزيت بس او زبدة بس او تستخدمى الزبدة البيضة بتاعت الحلويات وطبعا هنقلل السكر لان الزبدة دى مسكرة وغير كدة ممكن تستبدلى الماء بالشرش اللي طلع من زبدة الحلويات انا جربتها بالزبدة الصفرا والزيت طلعت جميلة وبالذبدة البيضة بتاعت الحلويات تحفة
- 8
عندك اختيارات ممكن تعمليها من غير شمر بس او بشمر ويانسون او بالسمسم او بالعجوة سواء بعجوة التمر او بعجوة البلح او من غير اي حاجة خالص على حسب رغبتك وبس كدة وان شاء الله تعجبكو
Keywords
وصفات مشابهة
وصفات ننصحك بمشاهدتها
التعليقات