بتقطعى الممبار بالطول اللي تحبيه يعنى طول الممبار اللي في الصورة دا الواحدة منو كانت اكبر شوية من كف ايدى عشان لما يكش يبقى الطول اللي في الصورة

هنخلط كل المكونات كلها مع بعض وتحشى بيها الممبار بس متخليهوش مليان اوي عشان ميفرقعش في السليق يعنى احشى الممبار وبططيه بايدك عشان الرز الزيادة يخرج منو وكدة كدة الزر الباقى جوة حجمه بيضاعف

بعد الحشو هنسخن حلة فيها ماء تغلى للسليق وهنحط فيها بصلاية مفرومة بملح وفلفل وننزل فيها الممبار واحنا ماسكينو من الطرفين يعنى نمسك الممباراية من الطرفين وننزلها فالمية هنعرف ازاى انو استوى لما نطلع ممباراية من حلة السليق ونجسها لاقيتيها طرية يبقى استوى تطلعية فمصفى لحد ما تخلصى الكمية كلها

وبعدين تحمريه في الزيت لحد مياخد اللون الحلو اللي في الصورة وترشى عليه رشة ملح وفلفل اسود غالخفيف وشوية بقدونس للتزيين وبس كدة وبالف هنا وشفا