اللحمة المشوية في البيت
وصفة جديدة تماما سهلة وسريعة وتحدى
إفتح في تطبيق كوكبادالخطوات
- 1
فالوصفة دى لازم تكون قطعة اللحمة قطعة واحدة هتنغزيها كويس بالسكينة
- 2
هتحطى في الكبة كل المكونات اللي قولتها فوق وتفرميهم كويس اوي
- 3
وتسخنى الفرن وبعدين تجيبى الخلطة وتتبلى بيها اللحمة كويس اوي وكل مكان نغزتيها بالسكينة تخلى التتبيلة تدخل فيها ويفضل تسيبيها ليله قبل التسوية عشان تشرب كويس من التتبيلة وممكن تحطى عليها كمان قطع ليا زي واضح في الصورة لكن لو مستعجلة سويها على طول
- 4
وبعدين تحطيها في كيس حرارى وتقفلى الكيس كويس بالقفل بتاعه وتخرميه بالدبوس ثلاث اخرام وتحطيه فصنية وتدخليه الفرن على الرف اللي تحت خالص نص ساعة وبعدين ترفعيها على الرف الوسطانى وتحطى فالصنية كباية ماء مغليه
- 5
وافتحى الكيس وحطي اللحمة تحت الشواية لحد متاخد اللون الحلو وتكونى مولعة فحمة كبيرة وتطفيها بشوية زيت وتكتمى الصينية بغطى وسبيها شوية عشان تأخذ ريحة وطعم المشوى وبعد كدة زينيها بالبقدونس اللحمة دى بتتقطع شرايح وبس كدة وبالف هنا وشفا
- 6
هتعرفى ازاى انها استوت هتطلعى الصينية وتستنى لما الكيس يخرج الهوا اللي فيه وجسى اللحمة بايدك لو لاقيتيها طرية يبقى استوت ولو لاقيتيها لسه جامدة هتزودى نص كباية ماء مغليه فالصنية ودخليها الفرن ثاني على الرف الوسطانى ثاني لحد ما تستوي
- 7
ملاحظات مدة التسوية من ساعة لساعة ونص على حسب حجم قطعة اللحمة
- 8
هنا دى قطعة تانية وهى لسه طالعة من الفرن وقبل محط البقدونس شايفين لونها حلو ازاى
Keywords
وصفات مشابهة
وصفات ننصحك بمشاهدتها
التعليقات