بتفرمي بصل فرم لا ناعم ولا خشن (وسط) وبتذبليه بزيت قلي

بعدها بتحطي جزر مبشور مش ضروري الجزر، اذا عندك حطي واذا مافيه عادي، بعدين بتكوني ناقعه الرز وحاطة عليه بهارات المندي وراشة ملح عليه واذا ما عندك بتحطي البديل الها ويلي هوه (قرفة وكمون وهيل وبهارات السبعه وفلفل وكركم وكراويه اذا عندك)حطي هيل كميه كبيرة مشان يطلع طيب،.وبعدين بتنزلي الرز اللي عليه كل هالبهارات عالبصل وبتحطي مي

الجاج: طبعا بتكوني سالقيته وحاطه ع مية السلق، بصل قرفة وورق غار وملح وفلفل وهيل. بس يستوي الجاج حمريه مشان يشقر وبعدها حطيه ع وجه الرز، بتكوني حاطة الفحمة ع النار وبس تصير حمرة حطيها بطنجرة الرز اللي ع وجههاالجاج وحطي ع الفحمة شوية زيت ودغري غطي عليها واتركيها لحتى تاخد راحتها لحتى تطفي