تنفيذ الرأس الملفوف تاعك وديريله الملح وفلفل الأسود وتفوريه ومن بعد قليه حتى يقل الحجم نتاعه ويأخذ لون وبعد ذلك ضيفيله الثوم مهروس وزيدي قلي وضيفيله حبة بيض وشكليه دائري وقطعيه كيما اي مثل بيتزا

أما بنسبة للاصوص قطعي البطاطا وكورجات (كوسا) ورابي حبة بصل وديري توابل الكركم ورأس الحانوت والثوم والملح والزعفران وفلفل أسود وزوج ملعقة كبيرة زيت واللحم نتاعك وقليهم مليح حتى يأخذو لون وضيفيلهم نصف كأس ماء وبلعي عليهم في كوكوطة لمدة ربع ساعة على الأقل

افتحي عليها وزيدي فصين ثوم مهروسين ورشة جومبو (مكعب مرق) دجاج پودرة ومن بعد تلقاي الخضار في قوامها مشي مهروسة ولذيذة جدا نحي منها اللحم وحمريه في المقلاة وبعد ذلك حطي الكروم نتاعك والمرق داير بيه مع خضار واللحم فوقه

ملاحظة تقدري تقلي البطاطا وتكتفي بالكورجات والبصل للاصوص